Cuando el rey Nimrod a campo salía
Mirava en el cielo y en la estreyería.
Vido una luz santa en la giudería
Que havía de venir Abraham Avinu.
Abraham Avinu, padre queridu,
Padre bendicho, luz de Israel.
Luego a las comadres encomendava,
Que toda muger que prennada quedara
Si no pariera, al punto la matara
Que havía de venir Abraham Avinu.
Abraham Avinu, padre queridu,
Padre bendicho, luz de Israel.
La muger de Terah quedó prennada
E de día en día él le preguntava
De qué tenés la cara demudada.
Ella ya savía el bien que tenía.
Abrahan Avinu, padre queridu,
Padre bendicho, luz de Israel
